Fituesi i Big Brother VIP Albania 4, Gjesti, ka befasuar fansat duke fshirë të gjitha postimet e mëparshme në Instagram dhe duke publikuar një fotografi të re, ku paralajmëron fillimin e një epoke të re në karrierën e tij. Menjëherë pas tij, edhe finalistja Egli Tako ka ndarë një Instastory, duke bërë të ditur se projekti i saj muzikor i ri është gati.
Nga postimet e fundit në rrjetet sociale, shumë mendojnë se Gjesti dhe Egli po vijnë me një bashkëpunim të përbashkët, që do të ishte një surprizë e këndshme për fansat e shumtë të tyre.
Dyshja, të cilët u njohën dhe krijuan lidhjen e tyre brenda shtëpisë së Big Brother VIP Albania, duket se po e vazhdojnë romancën edhe jashtë kamerave, ndërsa tani duket se po sjellin frytet e parë të bashkëpunimit artistik.
Kujtojmë se kanë kaluar vetëm dhjetë ditë nga përfundimi i edicionit të katërt të Big Brother VIP Albania, ndërsa Egli dhe Gjesti po dëshmojnë se sukseset e tyre nuk do të ndalen me kaq.
