Lajmi se këngëtari i njohur Shpat Kasapi është dhunuar në një dasmë ku ishte i ftuar për të performuar është kryefjala e medive rozë në Kosovë dhe Shqipëri. Ndërsa për ZoneVip artisti ka sqaruar se ngjarja nuk është siç është transmetuar në media.
Artisti ka sqaruar se përplasja në dasmë nuk ka ndodhur për shkak të vonesës së tij apo paraqitjes së tij të dehur siç shkruhej në media. Shpati shprehet se pas përfundimit të performancës priste të merrte dhe pagesën për të cilin kishin rënë dakort, gjë për të cilën dhëndri dhe familjarët e tij nuk janë treguar korrekt.
Kjo gjë ka irrituar këngëtarin dhe stafin e tij. Ndërsa përsa ju përket lajmeve se ai ka goditur nusen, Shpati shprehet se nuk është aspak e vërtetë duke hedhur poshtë kategorikisht lajmet që qarkulluan ditët e fundit.
Ndërkohë më herët përmes një InstaStory, Kasapi ka sqaruar se është mirë me shëndet dhe ka theksuar se lajmet janë ekzagjeruar./ZoneVip
