Në një intervistë ekskluzive për Zone Vip, modelja e njohur shqiptare me famë botërore, Angela Martini, ka folur pa doreza, për ata që ajo i cilëson si armiqtë e saj. Bëhet fjalë për familjen Hysenbelliu, të cilët zotërojnë Focus Media Group dhe kompani të tjera, ndër të cilat dhe Birra Tirana, e cila ka qenë dhe pikënisja e kësaj përplasjeje. Martini shprehet se kjo familje, është munduar që ta bllokojë në media, ndërsa ka shfrytëzuar dhe imazhin e saj, në një reklamë për Birra Tirana, të bërë më herët që kompania të merrej nën zotërimin e Irfan Hysenbelliut.
‘’Historia është e ndërlikuar, por çështja e vërtetë filloi me reklamën e Birra Tirana. Nuk pata asnjë bashkëpunim me atë familje, nuk e bëra unë reklamën për ta. Më vonë ata blenë markën Birra Tirana dhe, pa turp ose pa më njoftuar, filluan ta përdorin reklamën time edhe pse ishte nën një kontratë njëvjeçare shumë vite më parë. Ata vazhduan ta përdornin, unë padita, përfunduam në gjykatë dhe kështu filloi. Pas kësaj ata më bllokuan, më ndaluan dhe abuzuan me pushtetin mediatik që kontrollojnë’’, tha Martini për Zone Vip.
‘’Mediat e përfshira përfshijnë: @neës24al, @balkanëeb_official, @panoramatv.albania, @panoramasport.official, @panorama.plus, @revistapsikologjia, @radioneës24albania, @gazetashqiptare.al, së bashku me shumë media dhe kolegë të tjerë që ata në fakt nuk i zotërojnë’’, shtoi modelja e njohur.
E pyetur për betejen ligjore me kompanitë e familjes Hysenbelliu, Martini u shpreh se nuk mund të jetë më vetëm një çështje gjyqësore. Ndërsa shton se ata tashmë janë në rënie. Ndërkohë modelja shqiptare shprehet se për të në këtë moment ‘’gjykatë është populli shqiptar’’ që do të gjykojë përballjen e saj me Irfan Hysenbelliun.
‘’Nuk ka kuptim të mbështetemi vetëm në veprime ligjore. Së pari, ato janë tashmë në rënie dhe do të bien më tej. Së dyti, do të jem më pak i shqetësuar sepse pasoja më të këqija po vijnë për ta. Së treti, do ta lë popullin e Shqipërisë të gjykojë situatën, kjo është gjykata ime. Përvoja ime tregon se sistemi ligjor këtu nuk është ende një burim i besueshëm drejtësie, nuk mund t’u besosh plotësisht gjyqtarëve, apo edhe avokatëve të tu, për të sjellë drejtësi të vërtetë në Shqipëri. Është një proces dhe do të ndodhë në një moment të caktuar, por jo tani. Po këto dy-tre vitet e fundit që më kanë dëmtuar vazhdimisht, më kanë ndaluar nga shtypi, më kanë shkurtuar imazhin, më kanë fshirë artikujt, më kanë fshirë praninë, në thelb më kanë mbajtur larg, me karrierën dhe tërë jetën time të prekur thellë? Kush mund të ma kthejë këtë? Sistemi i drejtësisë në Shqipëri? Nuk mendoj kështu’’, tha Angela.
Kjo është hera e parë që modelja shqiptare me famë botërore flet për këtë situatë, ndërsa duket se tashmë beteja e saj me grupin Hysenbelliu do të vijojë jo më vetëm në rrugën gjyqësore, por dhe në atë që ajo e cilëson si drejtësia e popullit. Si një shkodrane që i thotë gjerat troç, Angela duket e vendosur për ti shkuar deri në fund, asaj që ajo e cilëson si padrejtësi që i është bërë./ZoneVip
Lexoni edhe: https://zone-vip.al/angela-martini-shperthen-ne-akuzat-te-renda-kam-zbuluar-kush-jane-armiqte-e-mi/
